വിദേശത്തുള്ള ഭര്‍ത്താവ് വാങ്ങിയ പുത്തന്‍ കാറും 15പവന്‍ സ്വര്‍ണാഭരണവുമായി രണ്ട് കുട്ടികളുടെ അമ്മയായ യുവതി ബസ് ജീവനക്കാരനൊപ്പം ഒളിച്ചോടിയ സംഭവത്തില്‍ യുവതി തളിപ്പറമ്പ് പോലീസ് സ്റ്റേഷനില്‍ ഹാജരായി.
കണ്ണൂര്‍ ചെങ്ങളായിലാണ് രണ്ടു കുട്ടികളുടെ അമ്മയായ 27 കാരി റിസ്വാന താമസിക്കുന്നത്. ബസ് ജീവനക്കാരനും 24 വയസുകാരനുമായ റമീസിനൊപ്പമാണ് റിസ്വാന ഒളിച്ചോടിയത്. പെരുവളത്ത്പറമ്പ് സ്വദേശിയാണ് റമീസ്.
യുവതിയുടെ ഭര്‍ത്താവ് വിദേശത്താണ് ജോലി ചെയ്യുന്നത്. ഞായറാഴ്ച രാത്രി 11 ഓടെയാണ് യുവതി ഒളിച്ചോടിയത്.
ഞായറാഴ്ച രാത്രി ഒന്നരയ്ക്ക് ഭര്‍ത്താവിന്റെ എടിഎം കാര്‍ഡ് ഉപയോഗിച്ച് യുവതി പണം പിന്‍വലിച്ചു. ഇത് സംബന്ധിച്ച മെസേജ് ഭര്‍ത്താവിന് മൊബൈല്‍ ഫോണില്‍ ലഭിച്ചു. അര്‍ദ്ധരാത്രിയില്‍ ഭാര്യ പണം പിന്‍വലിച്ച മെസേജ് ഫോണില്‍ വന്നതോടെ വിദേശത്തുള്ള ഭര്‍ത്താവ് അമ്പരപ്പിലായി. തുടര്‍ന്ന് കാര്യം തിരക്കി ഭര്‍ത്താവ് വീട്ടിലേക്ക് വിളിച്ചു. ഫോണ്‍ വിളിച്ച് കിട്ടാതായതോടെ ബന്ധുക്കളുമായി ബന്ധപ്പെട്ടു. ബന്ധുക്കള്‍ മുറിയില്‍ ചെന്ന് നോക്കിയപ്പോള്‍ യുവതിയെ കാണാനില്ലെന്ന് വ്യക്തമായി.
കാസര്‍കോടുള്ള എടിഎം കൗണ്ടറില്‍ നിന്നാണ് പണം പിന്‍വലിച്ചിട്ടുള്ളത്. രണ്ടു മക്കളെയും ഉറക്കിക്കിടത്തിയാണ് യുവതി കാമുകനൊപ്പം സ്ഥലം വിട്ടത്.
മുമ്പും ഇതേ കാമുകനൊപ്പം യുവതി നാടുവിട്ടിരുന്നു. അന്ന് വിദേശത്തുനിന്ന് നാട്ടിലേക്ക് എത്തിയ ഭര്‍ത്താവ് യുവതിയെ അനുനയിപ്പിച്ച് തിരിച്ചുകൊണ്ടു പോവുകയായിരുന്നു.
കാമുകനൊപ്പം പോയ ഭാര്യയെ സ്വീകരിച്ച ശേഷം ഭര്‍ത്താവ് വീണ്ടും ജോലി സംബന്ധമായ ആവശ്യങ്ങള്‍ക്കായി വിദേശത്തേക്ക് പോവുകയായിരുന്നു. കാമുകനുമായുള്ള ബന്ധം യുവതി അവസാനിപ്പിച്ചു എന്നാണ് ഭര്‍ത്താവ് കരുതിയത്.
എന്നാല്‍ ഇരുവരും ബന്ധം തുടര്‍ന്നിരുന്നു എന്നാണ് ഇപ്പോള്‍ വ്യക്തമായിട്ടുള്ളത്.
യുവതിയെയും മകളെയും വിദേശത്ത് കൊണ്ടുപോകാനുള്ള തയ്യാറെടുപ്പുകള്‍ നടത്തുകയായിരുന്നു ഭര്‍ത്താവ്. ഇതിനായുള്ള ടിക്കറ്റ് വരെ എടുത്തു കഴിഞ്ഞതാണ് വിവരം. അതിനിടയിലാണ് എല്ലാവരെയും അമ്പരപ്പിച്ചു യുവതി കാമുകനോടൊപ്പം വീണ്ടും കടന്നു കളഞ്ഞത്.
ഭര്‍ത്താവിന്റെ സഹോദരിയുടെ പരാതിയില്‍ ശ്രീകണ്ഠപുരം പോലീസ് കേസെടുത്ത് അന്വേഷണം ആരംഭിച്ചിരുന്നു. അതിനിടെയാണ് യുവതി തളിപ്പറമ്പ് പോലീസ് സ്റ്റേഷനിലെത്തിയത്.
