ഇടുക്കി നെടുങ്കണ്ടത്ത് കക്കൂസ് കുഴി നിര്‍മാണത്തിനിടെ മണ്ണിടിഞ്ഞ് വീണ് വീട്ടുടമ മരിച്ചു. രണ്ടുപേര്‍ക്ക് പരിക്കേറ്റു.
തോവാളപടി സ്വദേശി ചിറയില്‍ പുത്തന്‍വീട്ടില്‍ മാത്തുക്കുട്ടി ആണ് മരിച്ചത്. മാത്തുക്കുട്ടിയുടെ വീടിനോട് ചേര്‍ന്ന് സെപ്റ്റിക് ടാങ്ക് നിര്‍മിക്കുന്നതിന്റെ ഭാഗമായി എടുത്ത കുഴി ഇടിഞ്ഞു വീണാണ് അപകടം. രണ്ടാള്‍ താഴ്ചയുള്ള കുഴിയിലേയ്ക്ക് മണ്ണും വലിയ കല്ലുകളും ഇടിഞ്ഞ് മാത്തുക്കുട്ടിയുടെയും ഒപ്പമുണ്ടായിരുന്ന രണ്ടു ജോലിക്കാരുടെയും മുകളിലേക്ക് വീഴുകയായിരുന്നു.
ഉടന്‍ തന്നെ നെടുങ്കണ്ടം താലൂക്ക് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പരിക്കേറ്റവര്‍ തൂക്കുപാലത്തെ സ്വകാര്യ ആശുപത്രിയില്‍ ചികിത്സയിലാണ്.
