കേരള നിയമസഭയുടെ ഇരുപത്തിനാലാമത് സ്പീക്കറായി എ.എന്‍ ഷംസീര്‍ തെരഞ്ഞെടുക്കപ്പെട്ടു.സിപിഎം സംസ്ഥാനസമിതി അംഗവും തലശ്ശേരിയില്‍ നിന്ന് രണ്ടാംവട്ടം എംഎല്‍എയുമാണ് ഷംസീര്‍.നിയമസഭയില്‍ തിങ്കളാഴ്ച നടന്ന വോട്ടെടുപ്പില്‍ യുഎഡിഎഫിലെ അന്‍വര്‍ സാദത്തിനെയാണ് ഷംസീര്‍ പരാജയപ്പെടുത്തിയത്. ഷംസീറിന് 96 വോട്ടും അന്‍വര്‍ സാദത്തിന് 40 വോട്ടും ലഭിച്ചു. ഡെപ്യൂട്ടി സ്പീക്കര്‍ ചിറ്റയം ഗോപകുമാറിന്റെ അദ്ധ്യക്ഷതയിലായിരുന്നു വോട്ടെടുപ്പ് നടന്നത്.സ്പീക്കര്‍ ആയിരുന്ന എം.ബി രാജേഷ് സ്ഥാനം രാജിവെച്ച് മന്ത്രിയായ ഒഴിവിലാണ് എ.എന്‍ ഷംസീര്‍ സ്പീക്കര്‍ ആകുന്നത്.
